Plantun de Prouvènço

Pèr coumpara dos planto d'encò nostre

Sagittaria sagittifolia & Brachypodium sylvaticum

Sagittaria sagittifolia

Alismataceae

Noms en français : Sagittaire, Flèche-d'eau.

Descripcioun :
La flècho-d'aigo es uno planto proun raro au nostre au contro de l'uba de l'Éuropo. Trachis dins quàuqui relarg bagna de Prouvènço dóu couchant. Es uno planto eisado de recounèisse emé si fueio en flècho ; soun li fueio dins l'èr. Fai peréu de fueio longo en riban que pousson dins l'aigo (fueio primàri). Li flour soun poulideto, femello en bas e masclo en aut de l'enflourejado.

Usanço :
Lou rizoumo èi manjadis (crus o cue), s'acampo à l'autouno (mai pas encò nostre que n'i'a gaire !). Dins d'ùni païs s'en fai de galeto emé la feculo. Lis indian d'Americo quichavon li rizoumo fres emé d'aigo e piéi criblavon tout acò pèr leva li fibro.

Port : Erbo
Taio : 20 à 60(150) cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Sagittaria
Famiho : Alismataceae

Ordre : Alismatales

Coulour de la flour : Blanco
Petalo : 3
Ø (o loungour) flour : 15 à 20 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Mesoumediterran à Coulinen
Couroulougi : Éurasiatico
Ref. sc. : Sagittaria sagittifolia L., 1753

Bauco(-de-fourèst)

Brachypodium sylvaticum

Poaceae Graminaceae

Noms en français : Brachypode des forêts, Brachypode des bois.

Descripcioun :
Aquéu Brachypodium, di proun coumun, se recounèis à sis espigueto longo (> 2 cm), estacado direitamen sus la cambo (coume tóuti li Brachypodium) e acabado pèr d'arèsto loungarudo. L'espigo èi clinado, li fueio, largo, soun molasso. Ei forço pelut à la baso di fueio (fotò). Douno un pau d'èr à Roegneria canina mai aquest à ges de péu e peréu sis espigueto soun mai courto, e se vèi gaire au nostre.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Brachypodium
Famiho : Poaceae
Famiho classico : Graminaceae
Tribu : Triticeae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Colo - Prado umido - Ribiero
Estànci : Termoumediterran à Mountagnard
Couroulougi : Pancaro entresigna
Ref. sc. : Brachypodium sylvaticum (Huds.) P.Beauv., 1812

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Sagittaria sagittifolia & Brachypodium sylvaticum

ges

Coumpara Flècho-d'aigo emé uno autro planto

Coumpara Bauco(-de-fourèst) emé uno autro planto